Arabako Ziklokros Txapelketa lehiatuko da larunbatean, Jose Mari Basualdoren omenez

Aitor Aspuru Saez 2021eko abenduaren 15a

Aiara Birak omendu zuen Jose Mari Basualdo, 2019an. / Aiaraldea.eus

Reforren izango da Jose Mari Basualdo Sari Nagusia probaren lehen edizioa larunbatean.

Pasa den asteburuan krosa antolatu bazuen Oinkariak taldeak, larunbat honetan lehia itzuliko da Reforrera. Izan ere, Kuskumendi eta Amurrioko Txirrindulari Elkarteak Jose Mari Basualdo Sari Nagusia antolatu dute. Lasterketa horren lehen edizioa izango da eta Arabako Txapelketa bertan erabakiko da.

Antolakuntzak jakinarazi du kategoria guztietan lehiatuko direla txirrindulariak eta jadanik 300 parte-hartzailek eman dutela izena. Proba 09:30ean hasiko da eta 13:15ak arte irteera hartuko dute kirolariek.

Jose Mari Basualdori omenaldia

Lasterketari izena emateaz gain, Jose Mari Basualdo ere izango da protagonista larunbatean. Alegia, 12:00etan omenaldia egingo diote, bere ibilbidea aitortzeko.

Ez da lehenengoa aldia Basualdorentzat, zaleek behin baino gehiagotan aitortu baitute txirrindulari aiarrak eginiko ibilbidea.

Kirola Amurrio

Erlazionatuak

"Ia 50 urte igaro dira txirrindularitza utzi nuenetik, baina oraindik harro sentitzen naiz"

Aitor Aspuru Saez 2019 api 17 Aiara

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide