Osakidetzaren "gainkarga eta utzikeria" salatzeko mobilizazioak egin dituzte Aiaraldeko osasun zentroetan

Izar Mendiguren Cosgaya 2021ko abe. 22a, 13:36
Deskargatu Info Ahotsak :

13:00etan elkarretaratzeak egin dituzte Amurrioko eta Laudioko Osasun zentroetan. 

Lehen mailako arreta bermatzea eskatzeko mobilizazioak egin dituzte gaur eguerdian Aiaraldeko osasun zentroetan, SATSE, ELA, LAB, CCOO eta UGT sindikatuek deituta. Zehazki, Amurrion eta Laudion burutu dituzte elkarretaratzeak, Osakidetzaren egoera salatu eta osasun sistema indartzea eskatzeko.

Osasun sistema blokeatuta eta gaindituta dago, koronabirusak eragindako pandemiaren bilakaeraren ondorioz. Hala adierazi dute eskualdeko langileek zenbaitetan. Oraingoz, ordea, ez da baliabideak indartzeko neurririk iragarri. Hargatik, Euskal Herri osoan deitu dituzte mobilizazioak osasun zentroen aurrean, lehen arretaren "gainkarga eta utzikeria" salatzeko.

Amurrioko anbulategian jendetza elkartu da, eta osasun langileek txaloka itzuli diete jasotako babesa:

Argazkiak: Maddi Isasi Azkarraga eta Txabi Alvarado Bañares

Osasuna Amurrio
Erlazionatuak
Arreta gehiago behar du Lehen Arretak
Arreta gehiago behar du Lehen Arretak

Txabi Alvarado Bañares 2020 urr 08 Aiaraldea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide