Tubos Reunidos enpresako langileek ez dute onartu otsailaren 10ean sinatutako aurreakordioa

Aitor Aspuru Saez 2022ko otsailaren 18a
Deskargatu Info Ahotsak :

Tubos Reunidos enpresako langile gehienak lanuzteekin jarraitzearen aldekoak dira.

Beharginen gehiengoak LAB, CCOO eta UGT sindikatuek adostutako akordioaren kontra bozkatu dute. Ondorioz, litekeena da lanuzteetara itzultzea laster.

Otsailaren 15ean batzarra egin zuten Tubos Reunidos enpresako langileek. Bilera eta eztabaidaren helburua izan zen baloratzea LAB, CCOO eta UGT erakundeek zuzendaritzarekin sinatutako aurreakordioa. 

Hiru egunez bozkatu dute langileek eta gehiengoak erabaki du aurreakordioaren edukiak ukatzea. Gauzak horrela, emaitzak honakoak izan dira akordioari dagokionez:

  • Ezezkoa: 340 boto (%55)
  • Baiezkoa: 269 boto (%43)
  • Zuriak: 5 boto
  • Baliogabeak: 3 boto

ELA eta ESK erakundeek txalotu dute langileek erabakitakoa. Euren ustez, adostutakoa ez zen nahikoa beharginen erosmen ahalmena berreskuratzeko, 5 urtez lan hitzarmena luzapen egoeran egon ostean eta, ondorioz, soldatak izoztuta izan eta gero.

Bide horretatik, bai ELAk zein ESKk espero dute urtarrilaren 20an zehaztutako aldarrikapenak izatea oinarri etorkizunean eta lanuzteei berriro heltzea. ESKrentzat hori da lehenengo geltokia, gero lan hitzarmen berria negoziatu beharra baitago.

Ekonomia Amurrio
Erlazionatuak
ELAren oharra, osorik

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide