Euri jasak ez du Korrika kikildu, eta 16:30ean puntuan Amurrioko Juan Urrutia plazan eman du lehen pausoa hizkuntza baten alde mundu mailan egiten den egitasmorik handienak. Irrifarrea aurpegian eta emozioz gainezka, Amurrioko AEK-ko sei irakasleek izan dute lehenengo kilometroan lekukoan gordetako mezua eskuetan eramateko ardura, eta bide bazterrean txalo artean jaso dituzte Euskal Herriko hainbat txokotatik etorritako milaka lagunek.
Eskuz esku igaro da lekukoa Amurrion egindako 14 kilometroetan barrena: SOS Aiaraldea, Amurrioko gazte mugimendua, herriko ikastetxe desberdinak, udal-taldeak, kultur eta kirol eragileak... Guztiek jarri dute alea, apirilaren 10ean Donostian bukatuko den bide luzean.
Argazkiak: Aimar Gutierrez eta AEK
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide