Gaur bozkatu dute Amurrio Clubeko bazkideek, presidente eta zuzendaritza berria aukeratzeko deituak baitzeuden.
Deialdiaren emaitzak honako hauek izan dira:
- Etorkizuna Batuz: 147 boza
- Harrobiaz Harro: 88 boza
- Zuri: 4 boza
- Nulu: Boza 1
Gauzak horrela, Laurentz Ibarrola izango da futbol erakundearen presidente berria. Aiaraldea Komunikabidea Carlos Hernandez Etorkizuna Batuz zerrendako kidearekin hitz egin du eta honek adierazi dio pozik eta gogotsu daudela eta guztiok elkarrekin lan egiten saiatuko direla.
Ibarrolaren iritziz, hauteskunde kanpaina oso gogorra izan da: "Harrobiaz Harrok anbizio handiko proiektua zuen eta antolakuntza oso ona. Nire ustez, bazkideek saritu dute udan talde hartu genuen jendea, une horretan inork ez baitzuen nahi".
Bazkideen erabaki horrekin amaitu da, momentuz, klubean sortutako krisialdia. Izan ere, aurreko denboraldiaren amaieran kudeaketa batzorde berriak hartu zituen erakundearen ardurak. Etorkizuna Batuz eta Harrobiaz Harro hautagaitzeko parte hartzaileak zeuden barruan.
Bi zerrenden kirol proiektuen ildo nagusiak nahiko antzekoak baziren ere (harrobiko klubak bateratzea, senior taldea maila apaletan aritzea...), bien arteko desadostasunek hauteskundeak antolatzera eraman zuten Amurrio Cluba.