Alberto Luengas Otaola zendu da, mendizale eta idazle nekaezina

Txabi Alvarado Bañares 2023ko maiatzaren 2a

Mendiko Lagunak taldeko lehen presidentea izan zen Luengas. / M.L.

Gaur izango da hileta Amurrioko elizan, 17:00etan.

Atzo zendu zen Alberto Luengas Otaola. Mendiko Lagunak taldeak eman du heriotzaren berri. Izan ere, Luengas izan zen mendi talde horretako sortzaileetako bat eta baita lehen lehendakaria ere. 1962 eta 1965. urteen artean bete zuen kargu hori. "Garai zail haietan, bere ekarpena funtsezkoa izan zen bai kluba martxan jartzeko, bai Goizale aterpea eraikitzeko orduan 1968an", goraipatu dute Mendiko Lagunakeko kideek.

Mendizalea izateaz gain, idazle nekaezina ere bazen Luengas. Hainbat liburu plazaratu zituen bere bizitzako azken urteetan, osasunez makal egon arren. 2021ean, adibidez, bi argitalpen plazaratu zituen, Juan Antonio Alañari buruzkoa lehena eta Andres Espinosa Etxebarria alpinistaren ingurukoa bigarrena.

Gaur izango da hileta, 17:00etan Amurrioko elizan.

Jendartea Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide