Tubos Reunidos enpresako langileek onartu dute lan hitzarmenaren azken eskaintza

Aitor Aspuru Saez 2023ko maiatzaren 15a
Deskargatu Info Ahotsak :

Lan hitzarmenaren negoziazioak luze jo du Tubos Reunidosen.

UGT, CCOO eta LAB sindikatuek sinatutako aurreakordioa babestu dute langile gehienek eta indarrean sartuko da.

Ostegunean, ostiralean eta gaur bertan bozkatu dute Tubos Reunidos enpresako beharginek zuzendaritzak eta UGT, CCOO eta LAB sindikatuek adostutako aurreakordioa lan hitzarmenari begira.

Langileen gehiengoak baiezkoa eman dio proposamenari eta, ondorioz, indarrean sartuko da dokumentu berria.

Emaitzak honako hauek izan dira:

Bozak: 715

  • Baiezkoak: 491
  • Ezezkoak: 214
  • Zuri: 8
  • Baliogabe: 2

Beharginen gehiengoak bat egin duenez azken proposamenarekin, onartutzat jo dute lan hitzarmen berria.

Gogoratu beharra dago urtarrilean bertan ez zutela langile nahikok alde bozkatu eta iaz ere akordioaren bloke batzuk atzera bota zituztela galdeketa bidez.

Ekonomia Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide