Goiz oparoa izan da honakoa Amurrioko jaietan, eta herriko nagusiak eta haurrak izan dira protagonista nagusiak. Amurrioko pertsona helduenei aginte maikila ematearekin batera abiatu dute goizeko egitaraua.
Sukaldari eta ikusle ugari bildu ditu Juan Urrutia plazan Su Gozotan elkarteak antolaturiko marmitako txapelketak. Elexondo kalean aldibereko xake partidak jokatu dituzte, eta haurrentzako jolas-parke erraldoia prestatu dute Guk eskultura inguruan.
Nagusienek ere ez dute aspertzeko tarterik izan. Juan Urrutia plazan dantzaldia eskaini diete, jai-kuadrilletako ordezkarien konpainian, eta frontoian anaitasun bazkariaz gozatu dute gero.
Arratsaldean ekintza gehiago
Arratsaldean ere aurrera jarraituko du egitarauak, eta musika eskaintza izango da nabarmenena. Belgorri talde amurrioarrak kontzertu ibiltaria eskainiko du 19:00etan, Jai Herrikoien Aldeko Batzordeak antolatuta. Txosnagunean, aldiz, Txapelpunk, Perlata eta DJ True Tox ikusteko aukera egongo da.
Hemen ikusi daiteke egunez eguneko egitaraua.