Galder Barbado Bonilla zoriontzeko argazkia egin dute Amurrion

Aimar Gutierrez Bidarte 2023ko abenduaren 16a
Deskargatu Info Ahotsak :

Dozenaka lagun batu ziren atzo Juan Urrutia plazan Barbado zoriontzeko. / Aiaraldea.eus

Zaballan preso dagoen Galder Barbado zoriontzeko talde argazkia egin zuten atzo Amurrion dozenaka lagunek, gazte amurrioarraren urtebetetze egunean.

Galder Barbado amurrioarraren urtebetetze eguna izan zen atzo. Horregatik, Zaballako espetxean preso dagoen gaztea zoriontzeko talde argazkia atera zuten iluntzean dozenaka lagunek Amurrioko plazan, euskal preso politikoen aldeko ostiraleroko elkarretaratzea probestuz.

Irailaren 30ean atxilotu eta espetxeratu zuten Barbado, Aitor Zelaiarekin batera. Bi gazteak Gasteizko Gobernu Militarrean azaldu ziren, espetxean boluntarioki sartzeko epea iraungita. Audientzia Nazionalak ezarritako lau urteko espetxe zigorra betetzen ari dira orduz geroztik, Zaballako kartzelan.

Espetxeratua izan aurretik Aiaraldea Komunikabidean elkarrizketa luzea eskaini zuen Barbadok, 2019ko otsaileko atxiloketarekin abiatutako prozesu judizial luzearen nondik norakoak aletzeko:

Politika Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide