Drogen kontrako esku-hartze berria egin zuen Ertzaintzak Amurrion atzo

Aitor Aspuru Saez 2024ko otsailaren 19a

Laudioko Ertzain Etxeko agenteek egin zuten esku hartzea. / Aiaraldea.eus

Arratsaldean taberna baten terrazan zeuden bezeroak identifikatu eta miatu zituzten agenteek eta bost isun jarri zituzten legez kontrako substantziak izateagatik.

Aste amaiera bizia izan du Aiaraldeak drogen kontrako polizia operazioei dagokienez. Ostegunean eta larunbatean Laudion eta Orozkon egon ziren horrelakoak eta atzo, aldiz, Amurrion gertatu zen.

Zehazki, 16:15ean Ertzaintzaren hiru patruila herriguneko taberna baten terrazara bertaratu ziren eta han zeuden bezeroak miatu eta identifikatu zituzten. Ondorioz, bost herritarren kontrako zigor aktak ireki zituzten agenteek, drogak edukitzeagatik.

Ertzaintzaren prentsa kabineteak azaldu dio Aiaraldea Komunikabideari prebentziorako operazioa izan zela atzokoa. Hau da, ostegunean Lanbide Heziketa ikastetxearen parean egin zutenaren mota berekoa.

Jendartea Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide