Ertzaintzak drogen salmentaren aurkako esku-hartze berria egikaritu zuen atzo Orozkoko herrigunean. Gauean gutxienez bi patruila eta bost ertzain bertaratu ziren herriguneko ostalaritza establezimendu batera eta han beharrean aritzen den pertsona bat identifikatu zuten.
Ertzaintzaren prentsa kabineteak adierazi dio Aiaraldea Komunikabideari ez zutela herritarra atxilotu, baina ekinbideak abiatu zituzten eta ikertzen ari dira, drogak saltzea leporatuta.
Hau ez da izan aste honetan poliziak eskualdean drogen aurka eginiko lehen operazioa. Izan ere, ostegunean zenbait gazte identifikatu zituen Laudioko Lanbide Heziketan . Urtarrilean Lamuza Parkean eta ikastetxe horretan ere aritu ziren agenteak eta herritar bat atxilotu zuten. Egun batzuk lehenago, aldiz, Laudioko herriguneko bi tabernatako 17 bezero isundu zituzten, operazio ikusgarri batean.
Ertzaintzak abiatutako presio hori ez da berria, iaz gazte lokaletan eta tabernatan sartu baitzen drogen salmenta eta kontsumoaren kontra jarduteko.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
