Thailandiako estadiorik zaharrenean lehiatuko da Ruiz Muay Thai diziplinan eta kamisetak jarri ditu salgai bidaia finantzatzeko. K-1 kirolean, aldiz, WKL Espainiako gerrikoa eskuratzeko aukera izango du maiatzean.
Duela urtebete adierazi zuen Ibai Ruizek lehiaketa profesionalak uzteko asmoa zuela, baina egoera guztiz aldatu da urtebetean. Udan Thailandian Muay Thaiko pare bat borroka irabazi zituen eta gero sortu zitzaion ISKA Iberia txapelketa irabazteko abagunea.
Gauzak horrela, 2024. urtea ere proiektu eta erronka berriekin hasi du amurrioarrak. Lehenengo hitzordua martxoaren 17an izango da, Thailandiako Rajadamnern Stadium-ean, hain zuzen. Herrialdeko azpiegiturarik zaharrena da eta munduko Muay Thai kirolari onenen kontra lehiatuko da Ruiz bertan. Borrokalariak adierazi du saiatuko dela historia egiten elitearen aurrean eta bidaia finantzatzeko kamisetak jarri ditu salgai gimnasioan, 17 euroren truke.
WKL gerrikoa
Abentura hori gutxi izango balitz, maiatzaren 3an Pelayo Palacios asturiarraren kontra neurtuko da Ruiz La Casillan, Bilbon. Kasu horretan WKL gerrikoa egongo da jokoan eta K-1eko norgehiagoka profesionala izango da, hau da, hiru minutuko bost round-ekoa.
Iazko egoera eta egungoa alderatuta, "dena da posible", amurrioarraren aburuz.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
