Ondasun Higiezinen gaineko Zergaren igoeraren aurkako protestek ez dute etenik Amurrion

Erredakzioa 2025eko urtarrilaren 9a
Deskargatu Info Ahotsak :

Dozenaka lagun bildu dira gaur arratsaldean. / Amurrio Gaur

Gaur dozenaka lagun bildu dira berriz udaletxearen aurrean, eta datorren astelehenean bilera irekia egingo dute hurrengo urratsak zehazteko. 

Ondasun Higiezinen gaineko Zergaren igoeraren aurka 2024aren amaieran abiatutako protestei eutsi diete Amurrion. Gaur egin dute urteko lehen elkarretaratzea, eta aurrekoen tankerako harrera izan du, dozenaka lagun bilduz udaletxearen aurrean. 

Aurreko mobilizazioetan eginiko aldarriei eutsi diete herritarrek. Izan ere, urte amaieran Udalarekin izandako bilerak ez zituen euren animoak baretu. Gauzak hala, gaur ziurtatu dute protestekin jarraituko dutela. Hain zuzen, datorren astelehenerako (urtarrilak 13) jarri dute hurrengo zita. Bilera irekia egingo dute egun horretan 18:30ean Kultur etxean, "hurrengo urratsak" zehazteko.

Horrez gain, azken asteetan kontu propioak ere zabaldu dituzte Facebook eta Instagram sare sozialetan, deialdi guztien berri emateko. 

Ekonomia Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide