Pintaketa homofoboak egin dituzte Amurrio Harroren horma-irudiaren aurka

Aimar Gutierrez Bidarte 2025ko urt. 25a, 11:48

Raisa Alavak 2022an margotutako horma-irudian egin dituzte pintaketa homofoboak. / Amurrio Harro

Eraso homofoboa egin dute Amurrioko Dionisio Aldama kalean dagoen sexu-askapenaren aldeko horma-irudiaren aurka. Amurrio Harro kolektiboak gogor gaitzetsi du ekintza.

Pintaketa homofoboak egin dituzte Amurrioko Dinoisio Aldama kalean dagoen sexu askapenaren aldeko horma-irudiaren gainean. Amurrio Harro kolektiboak eman du erasoaren berri sare sozialen bidez, eta gogor gaitzetsi du ekintza. 

"Amurrio Harro elkartetik edozein ekintza homofoboren aurka gaude eta pertsona guztien berdintasunarekiko, errespetuarekiko eta duintasunarekiko konpromiso irmoa daukagu, haien sexu orientazioa bereizi gabe", adierazi dute zabaldutako oharrean. Amurrion inolako diskriminaziorik onartzen ez dutela irmo aldarrikatu dute kolektiboko kideek.

Raisa Alava ilustratzaile amurrioarrak diseinatu eta margotu zuen Dionisio Aldama kaleko horma-irudia, 2022ko Amurrio Harro egunaren baitako egitarauaren barruan.

Ez da kasu isolatua

Amurrio Harroko kideek azpimarratu dute hau ez dela gisa honetako eraso homofoboak herrian jasotzen diren lehen aldia. Urrutira joan gabe, 2024ko ekainean, Amurrioko Juan Urrutia enparantzan LGTBIQ+ mugimenduaren koloreekin margotuta zegoen eserlekuari pintaketa homofoboekin eraso egin zioten.

Eskualdean gehiago izan dira tankera honetako erasoak. Orozkon, Ibaiondo pasealekuan ortzadarraren koloreekin margotuta zeuden altzariak zakil eta svastikekin margotu zituzten 2022an. Herritarrek auzolana egin zuten erasoaren ostean.

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide