Gaur Tubos Reunidos enpresako zuzendaritzak jakinarazi die langileei Amurrioko lantegian matxuratutako labea konpondu dutela. Gauzak horrela, larunbat gauean piztuko dute eta asteartean ekoizpena jarraitzeko tenperatura egokia hartzea aurreikusi dute.
Enpresak zehaztu du asteartean hasi zirela konponketak eta labean zeuden interferentziak kentzeko egon direla lanean gaur arte. Halaber, konpainiak azaldu du arazoa otsailaren 9an sumatu zutela.
Tubos Reunidosek eskerrak eman dizkie mantenu eta zerbitzu orokorreko beharginei, zein beste langile eta enpresa azpikontratatuei, matxura aurreikusitako epeen barruan konpondu dutelako.
Enplegua erregulatzeko espedienterik ez
Behin arazoa gaindituta, nabarmendu beharra dago egoerak tirabirak sortu dituela enpresa barruan. Izan ere, zuzendaritzak enplegua erregulatzeko espediente abiatzearekin mehatxatu zuen pasa den astean eta asteartean bertan lortu zuten akordioa sindikatuen gehiengoak eta konpainiak, bete ez diren lanaldiak arautzeko.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
