Iragan asteko asteazkenean salatu zuten granadako AMA Desokupa enpresa Amurriora itzuli zela "herriko familia bat etxegabetzeko asmoz". Egun horretan bertan hainbat jende mobilizatu zen herrian desokupazio enpresari aurre egiteko, Aiaraldea Komunikabideak jakin izan duenez.
Baina talka nabarmenena ostegun arratsaldean izan zen. Egun horretan, dozena bat herritar bertaratu ziren San Anton plazara, han zaudelako AMA Desokupako kideak, etxearen jabeekin hitz egiten. Ertzaintza zein udaltzaingoa agertu ziren, baina tentsioak ez zuen gehiagora jo. Handik minutu batzuetara plazatik joan ziren desokupazio enpresako kideak eta etxearen jabeak, Aiaraldeko Gazte Koordinadora Sozialistak sare sozialen bidez jakinarazitakoaren arabera.
AMA Desokupa enpresako buruak (Angela Mendoza) bere sare sozial pertsonaletan salatu zuen ostegunean gertatutakoa. Bere hitzetan, enpresako kideek mehatxuak, "gorroto delituak", irainak eta bestelako jazarpenak jasan izan dituzte Amurrion igaro dituzten egunetan.
Aiaraldea Komunikabideak jakin izan duenez, AMA Desokupa enpresako buruak (Angela Mendoza) bere sare sozial pertsonaletan salatu zuen ostegunean gertatutakoa. Bere hitzetan, enpresako kideek mehatxuak, "gorroto delituak", irainak eta bestelako jazarpenak jasan izan dituzte Amurrion igaro dituzten egunetan, baina ziurtatu zuen euren jardunarekin jarraituko zutela.
Hala ere, ordutik hona, ez da bestelako tentsio gertakaririk jazo, ez behintzat modu agerikoan. GKSk sare sozialetan azaldu duenez, iragan ostegunean "faxista horiek herritik botatzea" lortu zen, baina "argi" dute itzuliko direla.
Gauzak hala, "faxismoaren aurrean antolatzeko" deia luzatu du eragile horrek, "itzultzen direnean erantzun ahal izateko". Horri begira, desokupazio enpresei buruzko hitzaldia antolatu dute datorren ekainaren 13rako, Amurrioko San Anton plazan bertan.
ZER ARI DA GERTATZEN AMURRION? | ZER DA AMA DESOKUPAZIO ENPRESA? pic.twitter.com/pczXsE3sfM
— Aiaraldeko GKS (@GKS_aiaraldea) June 3, 2025
Aiaraldeko Greba Batzordeak, bere aldetik, WhatsApp zenbakia du martxan, desokupazio enpresari presentziari buruzko abisuak jaso ahal izateko: 645 96 59 20.
Bigarren bisita hilabete bakarrean
Iragan maiatzaren 13an ikusi zituzten lehenego aldiz AMA Desokupako kideak Amurrion, baina handik bost egunera itzuli ziren Granadara, enpresako buruek eurek emandako informazioaren arabera. Orduko hartan, Angela Mendozak berak aitortu zuen euren aurka eginiko presioak bultzatu zituela bueltako hegazkina hartzera.
Handik astebetera itzuli ziren Amurriora, baina bigarren saiakera horretan ere ez dute euren helburua lortu. Ikusteke dago beste saiakerarik egingo duten.