Aiaraldear bat epaituko dute datorren astean "Ama Desokupa enpresari aurre egitea" egotzita

Txabi Alvarado Bañares 2025eko azaroaren 13a
Deskargatu Info Ahotsak :

Ama Desokupako kideak, artxibo irudi batean. / @AiaraldeaGreba

SOS Aiaraldeak eman du epaiketaren berri eta elkarretaratzea deitu du asteazken arratsalderako. 

Aiaraldeko bizilagun bat epaituko dute datorren asteko asteazkenean (azaroak 19), "Amurrioko familia bat etxegabetxen saiatu zen Ama Desokupa enpresari aurre egitea egotzita". Hala azaldu du SOS Aiaraldeak sare sozialen bidez, eta elkarretaratzea deitu du arratsalde horretarako, 19:00etan Amurrioko Juan Urrutia plazan. 

Aiaraldea Komunikabideak jakin izan duenez, koakzioen eta mehatxuen delitu bat leporatzen diote auziperatutako auzokideari, Ama Desokupako buruak jarritako salaketa batetik abiatuta. Granadako desokupazio enpresa horretako kideek hainbat aldiz bisitatu zuten eskualdea udaberrian, Amurrioko familia bat etxegabetxeko helburuarekin, baina ez zuten lortu. Hainbat mobilizazio egon ziren aste horietan, eta enpresako kideek talka ugari izan zituzten herritarrekin. 

Ekainean, aldiz, Desokupazio enpresen presioak pairatu zituen familiak "heriotza mehatxuak" salatu zituen publikoki. 

Politika Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide