Ligako 28. jardunaldia jokatuko du gaur Amurrio Clubak Basarten 17:00etan, baina behin Hirugarren Mailara igoera eskuratuta, jaia izango da gaurko elementurik garrantzitsuena.
Ospakizunak 19:00etan hasiko dira eta 20:00ak arte DJ Jongar izango dute musika jartzen. Emanaldia amaitzen denean, rua abiatuko dute garaikurrarekin udaletxeraino eta han udal ordezkarien harrera ofiziala izango dute.
Azken urteetan zorioneko ohitura bilakatu da hori, iaz Zaraobe Saskibaloi Taldeak egin baitzuen.
Berez, duela bi aste lortu zuen Amurrio Clubak matematikoki igoera eta modu epikoan gainera, partidaren azken arnasean gola sartuta.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
