Jabi Asurmendi izango da EH Bilduko alkategaia Arakaldon

Erredakzioa 2018ko aza. 7a, 16:33
Deskargatu Info Ahotsak :

Zortzi urte damaratza Jabi Asurmendik Arakaldon bizitzen. / EH Bildu

Zerrendaburu izateko hautatzen duten hirugarren aldia da. 2015etik darama alkate gisa, 39 urte dauzka eta matematika irakaslea da ikastetxe publiko batean.

Jabi Asurmendi hautatu dute EH Bilduko kideek Arakaldoko alkategaia izateko 2019ko maiatzean egingo diren udal-hauteskundeetan. 2011n aurkeztu zen lehenbiziko aldiz zerrendaburu gisa. Hauteskunde horietan EH Bildu izan zen boto gehien atera zituen taldea, baina EAJrekin tartea oso txikia zenez zozketa bidez ebatzi zen gobernua noren esku geratuko zen, herri txikietako legeriak hala agintzen duelako.

Gauzak hala, jeltzaleei egokitu zitzaien gobernatzea. 2015ko udal-hauteskundeetan, aldiz, tarte handiagorekin atera zen EH Bildu garaile, eta orduz geroztik Arakaldoko alkatea da Asurmendi.

Jatorriz bilbotarra da eta zortzi urte daramatza Arakaldon bizitzen. 39 urte dauzka eta matematika irakaslea da ikastetxe publiko batean, Derrigorrezko Bigarren Hezkuntzan.

Jabi Asurmendik adierazi du prest dagoela "indar berriak, amets berriak, ideia berriak, egitasmo berriak eta martxan baina amaitu gabe dauden proiektuak gauzatzeko lanean jarraitzeko":

Politika Arakaldo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide