EH Bilduk lidergoa sendotu du Arakaldon

Erredakzioa 2019ko maiatzaren 26a
Deskargatu Info Ahotsak :

Jabi Asurmendik eskuratu du berriro alkatetza Arakaldon.

EH Bilduk 4 zinegotzi eskuratu ditu eta EAJk bakarra izango du, aurreko legealdian bezala, baina koalizioak boza gehiago lortu ditu.

EH Bilduk irabazi ditu udal hauteskundeak Arakaldon. Bere hautagaiak izan dira bozkatuenak: Jabi Asurmendik 51 boza izan ditu, Maite Morak 48, Monika Zalabarriak 47 eta Garazi Larrakoetxeak 43. Jeltzaleen artean Hermenegildo Egiak 34 herritarren babesa jaso du, Mari Carmen Angianok 33 lagunena eta Victor Egiak 30ena.

Jabi Asurmendi alkateak adierazi du oso pozik dagoela emaitzekin, tarte gehiagorekin irabazi baitute. "Eskerrak eman nahi dizkiegu arakaldoarrei konfiantza emateagatik" azaldu du Asurmendik.

Hurrengo legealdira begira, alkateak aipatu du zuntz optikoa zabaltzen jarraituko dutela eta Bizkaiko Foru Aldundiarekin harremanetan jarriko direla, ez bakarrik zubi berriaren eraikuntza dela eta, baita ere konpontzeko ibilgailu eta oinezkoentzat.

Zinegotzien zerrenda berria
Ondorioz, printzipioz, ondorengo zinegotziek osatuko dute Arakaldoko Udala:

  • Jabi Asurmendi Sainz (alkatea)
  • Garazi Larrakoetxea Betes
  • Monika Zalabarria Calzada
  • Maite Mora Biñuales
  • Hermenegildo Egia Larrakoetxea

 

 

Politika Arakaldo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide