Aste honetan funtzionatzen hasi da auto elektrikoak kargatzeko puntua. Zehazki, astelehenetik dago abian eta Nerbioi-Ibaizabalen instalatutako lehena da. Bere kokapena Zuloaga auzunean dago, Xarmanta tabernako aparkalekuan. Hor kokatzea erabaki zuten autopistatik hurbil dagoelako eta erabiltzaileek bertan dituztelako bestelako zerbitzuak; jatetxea, supermerkatua eta umeentzako jolas parkea.
Azpiegiturak mota guztietako ibilgailu elektrikoak hornitzeko balio du, baina horniketa era azkarrean egiteko aukera emango die ibilaldi luzeak egiteko prestaturik daudenei. Hain zuzen, 50 kW-ra arteko potentzia duten ibilgailuak ordu erdi baino gutxiago baliatuta kargatu ahalko dira. Aldi berean bi autok aldi berean egin dezakete hori eta beharrezkoa da 'Recarga Publica APP' izatea.
Berez, Iberdrolak eta Arrankudiaga-Zolloko Udalak akordioa sinatu zuten 2020ko irailean proiektua egikaritzeko eta iazko azarorako prest zegoen dagoeneko, Industria Saileko baimena baino ez zuen behar funtzionatzen hasteko.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
