Mobilizazio jendetsua egin dute Arrankudiaga-Zolloko emakumeek

Txabi Alvarado Bañares 2023ko mar. 8a, 22:30
Deskargatu Info Ahotsak :

Jarduera ugari antolatu ditu Arrankudiaga eta Zolloko Emakumeen Sareak gaurko eta datozen egunetarako. 

Orain arte, Martxoaren 8an Ugao edo Bilbora jotzeko ohitura zuten Arrankudiaga-Zolloko emakumeek, baina aurten udalerrian geratzeko apustua egin dute. 17:30ean bildu dira eskolaren aurreko plazan, ginkana feministan parte hartzeko. Ondoren, dozenaka lagun bildu dira mobilizazioan. Plazatik atera eta errepiderantz jo dute, hasiera puntura itzultzeko berriz. Bukatzeko, mokadua izan dute Gizarte etxean. 

Ekintza gehiago

Arrankudiaga eta Zolloko Emakumeen Sareak antolatu du gaurko ekimena, eta beste zenbait jarduera ere prestatu ditu datozen egunetarako. Ostiralean -martxoak 10- Ane Cuesta Mongeren Asko falta da? filma laburra proiektatuko dute Udaltalden, 20:30ean, Arrankudiaga-Zolloko zinemagilearen parte hartzearekin. Ondoren, mahaingurua eskainiko dute, emakumeentzat bakarrik. 

Martxoaren 19an, aldiz, biodantza feminista egongo da Gizarte Etxean, 11:30etatik 13:30etara. Bertan parte hartzeko beharrezkoa izango da aurretik izena ematea, toki berean.  

Jendartea Arrankudiaga-Zollo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide