Atzoko osoko bilkuran kendu zitzaion izendapena diktadoreari, EH Bilduren proposamenez. Emakumearen Eguneko adierazpen instituzionala ere onetsi zen, besteak beste.
1925eko azaroaren 3an Artziniegako Udalak Hiriko Seme Kutun titulua eman zitzaion Miguel Primo de Riverari, “arerio afrikarraren kontrako” gerran Axdir hiria hartu izanaren errekonozimendu gisa.
Laurogeita bat urte pasa dira atzo arratsaldean egindako bilkuran izendapen hori kendu arte. Udaleko talde politiko guztiak (EH Bildu, EAJ eta PP) aldeko botoa eman zuten.
Miguel Primo de Rivera direktorio militarreko buru izan zen 1923tik 1930era bitartean, monarkiaren eta botere kontserbadore gehienen babesarekin, bai eta Falangeko sortzaile José Antonio Primo de Riveraren aita.
Horretaz, gain, beste hainbat gai ere jorratu ziren herritar askoren presentzia izan zuen osoko bilkura batean, tartean Emakumearen Eguneko adierazpena, Dorreko hotela kudeatzeko kontratuaren egoera eta udaleko langileen 2016ko lan-baldintzen onespena. Azken horretan, EUDEL-en irizpideak jarraitu zituzten langileen egoera hobetzeko eta PPk aurka bozkatu zuen, Espainiako aurrekontu orokorren arauarekin bat ez datorrelako, alderdiaren ustez.