Komando Rotonda taldea izango da Artziniegako Jaietako pregoilaria. Bozketa herritarren bidez ebatzi da hautaketa. Komando Rotondak 112 boto jaso ditu, 109 Goma Bik eta 29 GAPek.
Sare sozialen eta udaletxean jarritako ontzien bidez bideratu da bozketa. Proposamenak jasotzeko epe bat ireki zen lehenbizi, eta hiru aukeratuenak -aipatutako hiru taldeak- igaro dira azken fasera.
Duela zazpi urte sortu zen Komando Rotonda taldea. Arenaza auzoaren independentzia aldarrikatzea du helburu, umorea baliatuta.
Kritikak
Goma Biko kideek, baina, bozketan parte hartu nahi ez zutela adierazi zuten, ez zaielako egokia iruditzen pregoilaria aukeratzeko modua. “Facebookeko atsegiteen arabera hautatzea guztiz desegokia iruditzen zaigu”, salatu dute, eta gaineratu dute ez zaiela “poltronan edozein preziora” egotea gustatzen; “30 urte baino gehiago daramatzagu jaien antolakuntzan eta inoiz ez dugu planteatu gu izatea pregoilariak”.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
_tokikom_735x413.jpg)