Artziniegako Udalak adierazi duenez, Gazteen zein Edadetuen bazkarirako txartelak salgai jarri dituzte dagoeneko. Abuztuaren 28tik 30era egongo da erosteko parada. Horretarako goizez 11:00etatik 13:00etara egongo dira udaletxe aurrean antolatzaileak; eta arratsaldez 18:00etatik 20:00etara.
Hiru herri bazkari
Hilaren 2an izango da aurreneko bazkaria, La Jarrilla txokoak antolatuta. Indabak izango dira plater nagusi. Antolatzaileen esanetan, ez da epez kanpoko izen ematerik onartuko. Hala, 13 urtetik gorakoek 8 euro ordaindu beharko dituzte, eta umeek (6-12 urte) 4. Bost urte baino gutxiagodunek doan jasoko dute jana.
Gazteen txanda irailaren 4ean helduko da, 14:30ean. Parte hartzea sustatzeko prezio herrikoia jarri dute: 4 eurokoa, hain zuzen.
Edadetuen otordua, berriz, irailaren 7an izango da, 15:30ean. Prezioari dagokionez, 16 euro balioko ditu. Udaletik aurreratu dutenez, Jubilatuen Etxeak ere eskainiko du horretarako aukera.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
