Proposamena erregistratu du EH Bilduk Eusko Legebiltzarrean, Artziniega Museoaren finantziazioa dela eta. Koalizioak salatu du “lotsagarria” dela horrelako museo bat ixtea instituzioek beharrezko finantziazioa ematen ez dutelako. “Artziniega Museoa da gaur egungo Arabako, Bizkaiko zein Gipuzkoako instituzioen politika kulturalaren adibide garbiena. Guggenheim efektuagatik itsutuak, erabateko lehentasuna ematen diote eredu horri eta kultura herrikoi eta hurbila mespretxatzen dute”.
EH Bilduk honakoa proposatu du: Eusko Jaurlaritzak 40.000 euro bideratzea aurten museoaren jarduna finantzatzeko eta etorkizunerako diru-iturri iraunkorrak osatzea, Artziniegako Udalarekin eta Arabako Foru Aldundiarekin elkarlanean.
Josu Estarrona legebiltzarkideak nabarmendu duenez, ekainean legebiltzarreko talde politiko guztiek goraipatu zuten museoaren balioa eta ibilbidea. “Are gehiago, museo etnografikoen sare bat osatzea adostu zen eta gobernuari eskatu zioten udalen eta aldundien arteko elkarlana sustatzea, beharrezko finantziazio publikoa bermatzeko”.
Gauzak hala, Estarronak dio ez duela ulertzen “EAJren arduragabekeria”. “Lotsagarria da horrelako arintasunarekin jokatu izana”.
Iragan astean itxi zuten museoa Artea etnografia elkarteko kideek:
Oharra: Eduki hau herritar eta bazkideei esker plazaratu da, Artziniegako Udalak tokiko euskarazko hedabide bakarra ekonomikoki ez babestea erabaki baitu.
