aiaraldea.eus

"ACNURekin Herri Solidarioak" ekimeneko kide izango da Artziniega

Erabiltzailearen aurpegia Izar Mendiguren Cosgaya   Jendartea  Artziniega

Artziniegako jaietako herri bazkarietako prezioaren zati bat bideratuko dute egitasmora. Norbanako gisa ekarpena egiteko modua ere azaldu dute.

"ACNURekin Herri Solidarioak" ekimeneko kide izango da Artziniega
Jaietako bazkarien bidez egingo dute ekarpena. / Aiaraldea.eus | Ikusi handiago | Argazki originala

Nazio Batuen Erakundeko Errefuxiatuen Agentzia lagunduko du hemendik aurrera Artziniegako Udalak. Hain zuzen, “ACNURekin Herri Solidarioak” programako kide bihurtzea erabaki dute. “Programa horren helburua da gure udalerriko jendearen konpromisoa benetako laguntza bilakatzea: kanpin-dendak aterpea emateko Yemengo gatazkan gerragatik dena galdu duten familiei, umeentzako janaria desnutrizioaren aurka borrokatzeko, eta behar-beharrezko materialak eskuratzea”, zehaztu dute oharrean.

Kolaborazioa diru-ekarpen bidez egingo dute: “Diru hori herri indaba-janaren zein Gazte Eguneko bazkariaren prezioari gehituko zaio. Hala, lehenengo bazkariaren prezioa 10 euro izango da eta horietatik 2€ ACNURen proiektu horretara bideratuko dira”. Bigarren bazkaritik (5€) euro bat bideratuko da ekimenera.

Instituziotik ez ezik, norbanako gisa ere laguntzeko aukera zabaldu dute. Horretarako bi modu proposatu dituzte: bazkarietan izena emateko momentuan gauzatzea dohaintza, eta bestela Udalarekin harremanetan jartzea. 

Nola Jai Batzordetik hala Udaletik “elkartasun keinu” modura heldu diote erronkari, “behartsuenekin eta errefuxiatuekin, jaia eta konpromisoa uztartuz”.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa