Frontoia eta kiroldegia erabili daitezke 3. fasean, baina baldintza batzuk beteta

Izar Mendiguren Cosgaya 2020ko ekainaren 11
Deskargatu Info Ahotsak :

Udalak kirol azpiegiturak erabiltzeko baimena eman du. / Aiaraldea.eus

Artziniegako Udalak kirol azpiegitura batzuen erabilera baimendu du, baldintza batzuk jarraituta beti ere.

Toñín Luengas frontoia lau lagunek erabili ahalko dute une berean, gehienez. Eskupilota eta frontenisean aritzeko baliatu beharko da soilik. Udal kiroldegiari dagokionean, berriz, federatuek eta banaka izango dute bertaratzeko aukera, "udal bulegoetan aldez aurretik hitzordua eskatuta". Horrez gain, pista eta tatamia zapaltzeko aukera edukiko dute, interesdunek. Igerilekuak oraindik ezingo dituzte zabaldu, ordea.

Dena den, "bainugelak eta aldagelak itxita egongo dira", erantsi dutenez. Edozein kontsulta egin nahi izanez gero, 945 396 353 udal telefonoa jarri dute herritarren eskura.

 

Kirola Artziniega

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide