Peñalbara txangoa bihar, hamaiketako eta talde argazki gabe

Txabi Alvarado Bañares 2021eko abenduaren 30a

Aurten ez dute talde argazkirik egingo. / Ganzorrotz

10:00etan abiatuko dira Artziniegako frontoitik eta handik bi ordura jaitsiko dira tontorretik.

Peñalbara igoko dira artziniegarrak bihar -abenduak 31- 2021ari agur esateko. 10:00etan abiatuko dira frontoitik, eta 12:00etarako menditik jaisten egotea aurreikusi dute.

COVID-19a dela eta, ez dute ohiko hamaiketakoa prestatuko tontorrean, eta talde argazkirik ere ez dute egingo, segurtasun distantziak bermatzeko.

Kirol zita gehiago

Kirolak presentzia nabarmena du Aiaraldean urteko azken egunean. Mendizaleen ohiko igoerez gain, ‘Belatz’ erronka egongo da bihar arratsaldean, Laudioko Industriagunean barrena. Urduñan, aldiz, San Silvestre lasterketa egingo dute, 18:30ean Foru plazan.

Orozkoko duatloia, aldiz, bertan behera geratu da, pandemiaren ondorioz.

Kirola Artziniega

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide