Erakusketa berria inauguratu zuten iragan uztailaren 10ean Artziniegako museo etnografikoan: Hurrengo geltokia Artziniega. Euskal Poly elkarteak antolatuta, playmobil jostailu ezagunen erakusketa zabala atondu dute museoko erakusketa aretoetako batean.
Ehunka playmobil pieza elkartu dituzte, eta, besteak beste, Artziniega herriaren erreplika osatu dute. Erakusketa abuztuaren 28ra arte egongo da ikusgai, eta sarrera doakoa izango da.
Museoa zabalik
'Arciniega' abizenaren topaketarekin bat eginez, uztailaren 9an zabaldu zituen berriro ateak Artziniega Museoak. Astean zehar asteazken, ostegun eta ostiraletan egongo da zabalik, 11:00etatik 14:00etara. Asteburuko ordutegia, aldiz, honakoa izango da: larunbatetan 11:00etatik 14:00etara eta 17:00etatik 19:00etara; eta igandeetan 11:00etatik 14:00etara.
Bisitariek bisita gidatua eskatzeko aukera izango dute, 945 396210 telefonoan hitzordua eskatuta.
Zerbitzu berria esleituta
Udan bakarrik ez, Udalak 2025eko abenduaren 31ra arte esleitu du museoan bisita gidatuak eskaintzeko zerbitzua. "Esleipen horren ondoren, museo etnografikoak datozen hiru urte eta erdian irekita jarraituko duela bermatzen da, beste lau urtez jarraipena emateko konpromisoarekin" azaldu du tokiko erakundeak.
Aldundiko Kultura Sailaren ekarpen ekonomikoari esker, Artziniegako Udalak urteko aurrekontuan 55.000 euroko partida kontabilizatu du irekiera berria finantzatzeko. Administrazioaren gain egongo dira ere funtzionamendu, garbiketa eta mantenu gastuak, otsailean sinatutako akordioan jaso bezala: