Jaiez blai amaitu dute artziniegarrek larunbatean

Txabi Alvarado Bañares 2023ko ira. 10a, 10:00

Arteko landako jaitsiera izan zen eguneko ekintza ikonikoena. 

Eszenatokiz aldatu ziren atzo Artziniegako jaiak. Ehunka lagun igo ziren Arteko landara, kuadrilla zein familia giroan bazkaltzera. Bertan igaro zuten arratsaldean, zuhaitzen itzalpean, musika, elkarrizketak zein karta jokoak lagun. Euskal dantzen emanaldiaz gozatzeko aukera ere izan zuten, Gazte Berri taldearen eskutik. 

Jarraian, Sama Siku fanfarreako kideak hasi ziren jotzen zelaian barrena, eta eurek girotu zuten herrira jaitsiera. Ohikoan bezala, herritarrek ura botatzea eskatu zieten bidean topatzen zituzten etxe eta pisuetako kideei, eta askok bukatu zuten blai eginda. 

Gauean, aldiz, kontzertuak nagusitu ziren herrian, Duo Marshy bikote akustikoarekin, La Excavadora punk taldearekin eta Nonbait erromeriarekin. 

Gaur amaituko dira Artziniegako jaiak. Hau izango da eguneko egitaraua:

  • 11:30 Patata-tortilla eta Marmitako Txapelketa Goiko Plaza
  • 11:00 Txirrindularitza lasterketaren XXIX. Saria Arteko Gure Ama
  • 17:30 Herri kirol erakusketa Toñin Luengas Frontoia
  • 18:00 Kuadrillen arteko herri kirolak Toñin Luengas Frontoia
  • 19:00 Argazki lehiaketaren proiekzioa Goiko Plaza
  • 20.00 Odoloste-jana Goiko Plaza
  • 20:00 Erromeria Goiko Plaza
  • 21:00 Interkuadrilla eta argazki lehiaketaren sari banaketa Goiko Plaza
  • 22:00 Jaien amaiera traka Goiko Plaza
Kultura Artziniega

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide