🔴 AMURRIOKO UDALAK DIRU-LAGUNTZA KENDU DIO ESKUALDEKO EUSKARAZKO KOMUNIKABIDE BAKARRARI 🔴
📝 Eman atxikimendua eta babesa Aiaraldea Komunikabideari, hemen sinatuta 👇
www.labur.eus/amurrioneuskarazbizinahidugu
📍 Ekainak 21, ostirala, AGERRALDI HERRITARRA Amurrioko Juan Urrutia plazan, 19:30ean.
Elkarretaratzea egin dute gaur Arteko Gure Ama Eskolako komunitateko kideek, klasean sartu baino lehen. Ikastetxeko ikasleak, gurasoak eta langileak batu dira Hezkunza Sailaren erabakiaren kontra, hurrengo ikasturtean zuzendaritzako kudeaketa orduak murriztu nahi baititu.
Berez, zuzendaritza taldeak pasa den astean jakinarazi zuen dimititzeko prest dagoela Eusko Jaurlaritzak asmo horrekin jarraitzen badu, ikastetxeko kudeatzaileek argi baitute ez dutela aukerarik izango zerbitzu eta arreta egokia eskaintzeko.
Elkarretaratzea ostiralean
Gaurko protesta ez ezik, ostiralean ere deitu dute kontzentrazioa. Artziniegako Udala oso kezkatuta dago udalerriko oinarrizko zenbait zerbitzu publiko jasaten ari diren murrizketen ondorioz. Horregatik, elkarretaratzea egingo du ekainaren 21ean, ostiralean, udal pilotalekuan.
Izan ere, tokiko erakundeak salatu du osasun zentroaren ordutegia murriztuko duela Osakidetzak udan, eta eskola publikoaren gatazka ere aipatu du.
Azkenik, Correos zerbitzu publikoaren bulegoa itxita egongo da ekainaren 28ra bitartean eta Udalak behin baino gehiagotan bidali dizkio kexak enpresari, arazoak ohikoak bilakatu baitira postari batek erretiroa hartu eta gero.
Hori guztia aintzat hartuta egingo dute protesta ostiralean herrigunean, orain arte emandako urratsei jarraipena emanez (Correosekin harremaneran jartzea edota Hezkuntza Sailari bidaliko dioten mozioa onartzea, besteak beste).