Artziniegako Udaleko ordezkaritza bat Hezkuntza Sailarekin bildu da gaur herriko eskola publikoan sortu den egoeraren harira. Izan ere, Eusko Jaurlaritzaren asmoa da kudeaketarako lanorduak murriztea zuzendaritza taldean eta horrek euren dimisioa eragin du, nahiz eta Hezkuntza Sailak ez duen onartu.
Gauzak horrela, tokiko erakundea eta Hezkuntzako arduradunak elkartu dira gaur, baina ez da aurrerapausorik egon. Joseba Vivanco alkateak azaldu du saileko arduradunek adierazi dutela zuzendaritzako kideak hobeto antolatu behar direla eta egoera berrira moldatu.
Udalak, bere aldetik, aipatu du orain Arteko Gure Ama Eskolako familiekin aztertuko dutela zer egin hemendik aurrera. Izan ere, mobilizazioak abiatu zituzten egoeraren jabe izan bezain pronto.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
