Artziniegako Udalak gaur jakinarazi du ez dela argiztapenik egongo futbol zelaiko inguruetan. Izan ere, eremu hori argiztatzeko beharrezko kablea lapurtu dute. Alkateak adierazio dio Aiaraldea Komunikabideari 150 metroko tartean eraman dutela materiala eta atzo konturatu zirela horretaz.
Gauzak horrela, tokiko erakundeak ezingo du bermatu argi publikoa egongo denik eremu horretan kablea berriro jarri arte. Halaber, Udalak aurreratu du salaketa jarriko duela.
Berez, ez da lehen aldia leku publiko bateko metalezko elementuak lapurtzen dituztela gero saltzeko. Adibidez, Kexaako Santutegiko kanpaiak lapurtu zituzten 2017an, Basakoetxeko baseilakoa 2020an, eta Zedelikakoa 2023an. Artziniegan bertan iaz ere lapurreta gertatu zen udal igerilekuetan.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
