40 urte bete zituen Artziniega Museoak iaz eta ekintza andana antolatu zituen horretarako. Arrakastatsuenen artean egon zen XX. mendeko jantzien desfilea eta, hori ospatzeko, museoa kudeatzen duen elkarteak erabaki du bideo eta argazki emanaldia egitea gaur 19:00etan. Behin amaituta, aukera egongo da norberak bere iritzia emateko.
"Hasieran asmoa zen desfilean parte hartu zuten boluntarioekin egitea, baina gero erabaki genuen jende orori irekitzea", aipatu du Paki Ofizialdegik. Museoko kideak azpimarratu du ikusgai egon ziren pieza ia guztiak (pasa den mendeko bilakaera irudikatzen dutenak) museoko bildumaren parte direla, baina gehienak ez daudela egunerokoan bistan, ez baitago leku nahikorik.
Horrez gain, Ofizialdegik gogoratu du kanpo ekarpenak ere izan zituztela, Balenciagako bi jantzi tartean.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
