Ramon Reyk sortutako Artzikirol diziplinak mugarri berria jarriko du bihar udal kiroldegian. Izan ere, Euskal Herriko II. Artzikirol Txapelketa jokatuko dute emakumezkoen zortzi taldek.
Bi fase izango ditu torneoak. Lehenengoa 9:00etan hasiko da, finalerdietara nortzuk sailkatuko diren erabakitzeko.
14:00etan etenaldia egingo dute eta bazkaria egongo da jokalari guztientzat. 16:00etan finalerdien unea helduko da eta gero finala, non txapelduna nor izango den erabakiko den.
Iaz izan zen Euskal Herriko Txapelketaren lehen edizioa eta sei taldek eman zuten izena. Aurten bi gehiagok egingo dute eta antolakuntza pozik dago horrekin eta sari hobeagoak egongo direla aurreratu dute.
Artzikirola sustatzen
Ramon Rey artziniegarra izan zen artzikirolaren asmatzailea, kirol praktika anitzen ezaugarriak eta arauak uztartuta. Duela hamabost urte baino gehiago egin zuen eta urte luze horietan hainbat kontinentetan izan dute horren berri.
Berez, nazioarteko esparruan oso harrera ona izan du kirolak, hezkuntza komunitatean bereziki.