Hamar erabiltzailerentzako espazioa izango du Artziniegako Eguneko Arretarako Landa Zentro berriak

Txabi Alvarado Bañares 2026ko urriaren 23a

180 metro karratu izango ditu Eguneko Arretarako Landa Zentro berriak. / Artziniegako Udala

180 metro karratu izango ditu espazioak. Gaur onartu dute proiektuaren exekuzio proiektua.

Gaur goizeko Udal Osoko Bilkuran onartu dute Artziniegako Eguneko Arretarako Landa Zentro berriaren exekuzio proiektua. Orain, lehiaketa publikoa abiatuko dute obra egiteko enpresa kontratatzeko.

Hala azaldu zuen Arkaitz San Jose Martinezek atzo Aiaraldea Komunikabidearen Azalera podcastean. Zinegotziak aurreratu zuenez, 180 metro karratu izango ditu espazioak, hainbat txokotan banatutakoa. "60 metro karratu inguruko areto bat izango du bazkaltzeko eta bestelako jarduerak egiteko", azaldu du udal ordezkariak.

Modu horretan, 10 erabiltzaileri zerbitzua ematea espero dute.

Proiektuaren finantziazioari dagokionez, Udalak maiatzean iragarri zuen Aldundiaren eta Espainiako Ministerioaren laguntzak jasoko zituela.

Gaur onartutakoarekin, proiektuari behin betiko bultzada ematea espero du Udalak. Izan ere, proiektuak zenbait atzerapen izan ditu azken urtebetean, EAJk salatu izan duenez.

Jendartea Artziniega

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide