Aiaraldea Kooperatiba Elkarteak urtarrilak 30eko greba orokorrarekin bat egin du

Erabiltzailearen aurpegia

Datorren urtarrilaren 30ean Euskal Herriko Eskubide Sozialen Kartak lan, pentsio eta bizitza duinen alde deitu duen greba orokorrarekin bat egitea erabaki du Aiaraldea Kooperatiba Elkarteak.

Kooperatibaren helburuen artean dago ekonomia sozial eraldatzailea Aiaraldea eskualdean garatzea, kapital metaketaren gainetik, bizitzak erdigunean jarriko dituen ekonomia sozial baterantz urratsak emateko, lan-harremanetan zein etxebizitza ereduetan, kontsumoan... Zentzu horretan, Koop57, Izarkom eta Goiener bezalako proiektuetako bazkideak gara, eta eskualdean mota horretako kontsumo eta antolakuntza ereduak sustatzea dugu xede. Era berean Olatukoop sareko kideak ere bagara.

Gure Kooperatibaren izaera bera ere norabide horretan kokatzen da, langileak jabe diren enpresa eredua gara, irabazi asmorik gabekoa eta gizarte-ekimenekoa.


Zentzu horretan Aiaraldeko jendarteari dei egiten diogu urtarrilaren 30ean grebarekin bat egin eta kalera ateratzera!


Greba orokorraren egunean beraz, Kooperatiba itxita egongo da (salbuespen bakarra Aiaraldea Gaur komunikabideko kazetariak izango dira, greba orokorraren jarraipen informatiboa egingo baitute), eta beraz bertan lanean gauden 14 pertsonek ez dugu lan-harremanik izango.


#OparotasunaDenontzat

#BizitzakErdigunean

#KapitalarenAurreanBizitzaBizigarriak

#EkonomiaSozialEraldatzailea

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide