Laudioko Udalak merkataritza plangintza estrategikoa idatziko du 2016an Eusko Jaurlaritzak hiri-merkataritzaren lankidetza eta dinamizazioko estrategiak garatzen laguntzeko abian duen “Hirigune” programaren bidez.
Iñigo Martinez Cerrillok, Tokiko Garapen Agentziako arduradunak, planak landuko dituen hiru ardatz nagusiak azaldu berri ditu: merkataritza arloan elkarlan publiko-pribatuaren garapena, lokalak eta merkataritza-ehuna berreskuratzeko ekimenak eta merkataritza eta turismo sektoreen koordinazioa.
Laudioko Udalak merkataritza plangintza estrategikoa idatziko du 2016an Eusko Jaurlaritzak hiri-merkataritzaren lankidetza eta dinamizazioko estrategiak garatzen laguntzeko abian duen “Hirigune” programaren bidez.
Iñigo Martinez Cerrillok, Tokiko Garapen Agentziako arduradunak, planak landuko dituen hiru ardatz nagusiak azaldu berri ditu: merkataritza arloan elkarlan publiko-pribatuaren garapena, lokalak eta merkataritza-ehuna berreskuratzeko ekimenak eta merkataritza eta turismo sektoreen koordinazioa.
Plangintza 2016 urtean zehar idatziko da Merkataritza Indartzeko Plan Berezia (PERCO gaztelaniaz) lantzeko mahaian parte hartzen duten eragileekin eta Udaleko gainerako batzordeekin elkarlanean.
Abenduaren 12an, Show cooking saioa
Eusko Jaurlaritzak eta Basquetourrek, Turimoaren Euskal Agentziak, bultzatutako “Sukaldaritza sortzen” programak "show cooking" edo zuzeneko sukaldaritza saioa eskainiko du abenduaren 12an, Laudioko azoka plazan. Ekitaldia Laudioko merkatari eta ostalariek larunbaterako prestatu dituzten “Gabonetako shopping eguna” eta “Ostalaritza eguna” ekimenekin uztartuko da.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
