Iza igogailu enpresak Oboid StartUp arabarrarekin aliatu da igogailu interaktiboak diseinatu ahal izateko. “Visualiza” proiektuaren bidez interneterako konexioaz hornitutako panelak izango dituzten igogailuak diseinatuko dituzte.
Igogailuan bertan eguraldia ezagutu edo albiste-kanalak irakurri, mantenimendu-zerbitzuaren oharrak ikuskatu edo lursail-administratzailearen jakinarazpenak kontsultatzeko aukera eskaini nahi dute jadanik fase pilotuan abian duten proiektuaren bidez.
Iza igogailu enpresak Oboid StartUp arabarrarekin aliatu da igogailu interaktiboak diseinatu ahal izateko. “Visualiza” proiektuaren bidez interneterako konexioaz hornitutako panelak izango dituzten igogailuak diseinatuko dituzte.
Igogailuan bertan eguraldia ezagutu edo albiste-kanalak irakurri, mantenimendu-zerbitzuaren oharrak ikuskatu edo lursail-administratzailearen jakinarazpenak kontsultatzeko aukera eskaini nahi dute jadanik fase pilotuan abian duten proiektuaren bidez.
Garatzen ari diren gailuak igogailuaren identifikazio-plaka ere ordezkatuko luke, azken mantentze-lanen dataren berri ere emanez. 2016 urterako lehen instalazioak burutzea espero dute auzo-erkidego pribatuetan zein eraikin publikoetan.
Berrikuntzak denbora errealeko komunikazio kanala eskainiko du mantentze-lanak zein larrialdi egoeren kudeaketari begira. Ekipamenduaren funtzionamenduaren inguruko informazioa biltzeko tresna eskainiko du izan daitezkeen akatsei aurrea hartzeko aukera eskainiz eta ezbeharretan bideo-euskarria ere emanez.
Iza igogailu enpresak 50 urtetik gorako eskarmentua du igogailuak muntatzen eta mantentzen. Oboid enpresa berriz 2012an sortu zen EHUren Arabako Campuseko Agudezia ekintzailetza programaren barruan, telefonia adimenduaren inguruneko teknologiak eta aplikazioak oinarri dituzten industria-soluzioetan espezializatutako startup teknologikoa da.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
