Artziniegak hartu zuen XXV. Aiara Birako bigarren etapa. Eguneko menuan hiru mendate, Artziniegako erdiguneko harri bidea eta 114 gazte gogor borrokatzeko gogoekin. Iñigo Elosegik (Autonervion-Renault) lasterketaren liderra, berriz ere indartsuena bezala agertu zen eta helmugan Unai Diazi (Bathco) minutu ta erdian aurreratu zitzaion.
Aurretik hamaika erasoaldi egon ziren baina eguneko ihesaldi ona bigarren biran sortu zen, Artziniegako harri bidetik pelotoia igaro zenean. Julen Latorre Amurrioarrak (Opticas Luyando-Ganzedo) eraso gogorra jo zuen eta 25 segundoko tartea erdiestera heldu zen. Ureta inguruan, liderrak tiratuta hamaika ziklistek osatutako talde bat batu zitzaion eta Garabillako bigarren igoeran liderra zen bakarrik ihes egin zuena. Potentzia erakustaldi batez bakarrik egin zituen azken hamabost kilometroak helmugan minutu ta erdian aurreratuz bere iheskideei. Sailkapen nagusiaren buru izateaz gain, Elosegik mendiko eta tarteko helmugen maillota lortu zituen ere. Latorre lehen txirrindulari arabarra da sailkapen nagusian, eta kadeteko lehen urtekoen artean Aritz Zabala (Basati Bike) da liderra.
Hurrengo larunbatean Aiarako Bira Amurriora doa, 44 kilometroko ibilbidea eta Saraube igoera birritan. Nahiz eta oraindik bi etapa falta diren, Elosegi liderrak bere alde du sailkapen nagusia, bere aurkariak ausarta izan beharko dira edo liderraren ahultasun momentu baten esperoan egon.