Puntako txirrindularien etapa Urduñan, azkena ez dadila izan

Erabiltzailearen aurpegia
Bihar munduko txirrindulari profesional garrantzitsu askok zeharkatuko dute Urduña.

Txirrindulariek atseden eguna izan ostean, bihar La Vuelta lasterketak Aiaraldea tartetxo batez igaroko du. 159 kilometroko etapa izango dute kirolariek Gasteiztik hasita, Uribarri Gaubeara heldu arte. Urduña bi aldiz igaroko dute, baina Izarratik La Barrerilla jeitsi bezain laster, Urduñako mendatea igoko dute birritan.  Urduñako mendatea 8 kilometro ditu eta aldaparen batazbesteko malda 7,58 da, ez nola nahikoa.

Antolakuntzak aurreikusi du 15:00ak eta 16:30ak aldera pasako dela Urduña herritik eta parada polita izango da etapa ikusteko. Beti ere gogoratu behar da Eusko Jaurlaritzak antolakuntzarekin adostu zuela ez zela zalerik egongo mendatean, osasun egoera berezia dela eta.

Halaber, aintzat hartu Uci Pro Tourreko azken lasterketa handia dela eta munduko txirrindulari onenak daudela lehian. Ezin ahaztu atzoko etapa Ion Izagirre euskaldunak irabazi zuela.

Etapa honetan mendatetik tarte handia dago bukaeraraino eta aurreikusi daiteke ihesaldi bat egon daitekeela, nahiz eta garaipena ez den sailkapen nagusirako oso erabakiorra izango. 

Animatzen zareten zaleei gogoratu zuen ikurrak eramatea eta gogoratzea Tubacexeko langileak batuko direla Urduñako zezen plazan 13:30ean beraien lan baldintzen defentsan.

Erlazionatuak

Borroka eguna egingo dute Tubacexeko langileek urriaren 27an, Vuelta Aiaraldetik igarotzen dela baliatuta

Aiaraldea

24 orduko lanuztea egingo dute eta Urduñan bilduko dira 13:30ean, enpleguaren defentsaren aldeko aldarria zabaltzeko. 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide