Elikadura Burujabetzaren III. Astearen barruan kokatuko da ekimena, hileko lehenengo zapatuan egiten den baserritarren merkatuarekin
batera gainera. Bi bertsolariak plazan bertan arituko dira eguerdian eta baita geroko poteoan ere.
“Gure hizkuntza, gure elikadura, gure mundua” lelopean oinarrizko bi aldarrikapen egin gura dira ekintza bateratu batean: batetik,
elikadura-burujabetza eta, bestetik, Euskal Herria euskalduntzeko prozesuan herritarrok dugun protagonismoa.
Lehenengo bertso-afari agroekologikoa duela bi urte egin zen Sestaon eta aurten Mugarik Gabeko Albaitariak elkarteak ekimena Urduñara ekartzeko proposamena aurkeztu die Urduñako Udalari, gizarte-eragileei eta kultura-elkarteei. Bazkarian dastatuko diren jakiak bertakoak, garaikoak eta modu jasangarrian ekoiztuak izango dira.
Bertso-bazkariaren antolakuntzan hainbat erakunde eta elkartek hartuko dute parte, besteak beste, Mugarik Gabeko Albaitariak, Euskara Zerbitzua, Ekoizpen, Urduñako Gazte Asanblada, Berbalagun, AEK, Bedarbide, Urduñako Zaporeak, Olaran eta Turismo Bulegoa.
Bazkarirako txartelak Urduñako Turismo Bulegoan eta Euskara Zerbitzuan jarriko dira salgai. Informazio gehiagorako, 685 757 658 telefonora ere deitu daiteke.
Jon Maiak eta Maialen Lujanbiok girotuko dute urriaren 5ean egingo den bertso-bazkari agroekologikoa
Elikadura Burujabetzaren III. Astearen barruan kokatuko da ekimena, hileko lehenengo zapatuan egiten den baserritarren merkatuarekin
batera gainera. Bi bertsolariak plazan bertan arituko dira eguerdian eta baita geroko poteoan ere.
“Gure hizkuntza, gure elikadura, gure mundua” lelopean oinarrizko bi aldarrikapen egin gura dira ekintza bateratu batean: batetik,
elikadura-burujabetza eta, bestetik, Euskal Herria euskalduntzeko prozesuan herritarrok dugun protagonismoa.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide