ARGAZKI BILDUMA: San Roman 2010

Erabiltzailearen aurpegia Eunate Molinuevo Olabarria   Jendartea  Urduña

ARGAZKI BILDUMA: San Roman 2010

Abuztuaren 9an, San Roman egunean, Orruño kaleko jaiak ere ospatu ziren. Urtero bezala, Zedelikako San Roman baselizan meza egon zen eta ondoren patata tortilla, odolosteak eta ardoa dastatzeko aukera. Arratsaldean, mus txapelketa jokatu zen eta gozozaleenei txokolatea eskaini zitzaien. Foru Plazan egon zen erromeriak egunari amaiera eman zion.

Argazkiak: Eunate Molinuevo

Data: 2010eko abuztuak 9

Arabako Txakolinaren denboraldia inauguratu du Baskonia saskibaloi-taldeak

Erabiltzailearen aurpegia Eunate Molinuevo Olabarria  Amurrio  Amurrio: Artomaña

Arabako Txakolinaren denboraldia inauguratu du Baskonia saskibaloi-taldeak

Turismoa eta enogastronomia uztartzeko asmoz, Artomañako txakolindegia bisitatu zuten Baskoniako jokalariek eta Ibon Navarro entrenatzaileak. Saskibaloi-taldeko zuzendaritzako kideak eta Arabako ahaldun nagusia ere egon ziren bertan.

Udaberriarekin batera helduko da 17. Gazte Eguna

Erabiltzailearen aurpegia Eunate Molinuevo Olabarria  Urduña

Udaberriarekin batera helduko da 17. Gazte Eguna

"Asanblada oinarri, 17 aldarri” lelopean, egitarau oparo eta bizia prestatu dute gazte urduñarrek martxoaren 21erako. Aukera bikaina, beraz, errebeindikazioekin batera udaberriari ongi etorria egiteko.

Kirola, jolasak zein graffitiak izango dira goizeko protagonistak. Hala, 11:00etan, boulder-txapelketaren finalistak buruz buru lehiatuko dira gaztetxean. Ordu berean, baina Foru plazan, 3x3 txapelketa eta haurrentzako puzgarriak egongo dira, eta, ondoren, slackline-ikuskizuna.

Bedarbide elkarteak 6 milioi euro erreklamatu dizkio Burgosi, Gorobel erabiltzea eragozteagatik

Erabiltzailearen aurpegia Eunate Molinuevo Olabarria  Aiaraldea  Urduña

Bedarbide elkarteak 6 milioi euro erreklamatu dizkio Burgosi, Gorobel erabiltzea eragozteagatik

1955. urteaz geroztik, Urduñako abeltzainen ganaduak ezin du Gorobelen bazkatu. Hori dela-eta, 36 ustiategi biltzen dituen Bedarbide elkarteak auzibide zibilera jo du, Villalba de Losa udalerriari, Villalbako administrazio-batzarrari eta Gaztela eta Leongo Autonomia Erkidegoari kalte-ordainak eskatzeko, guztira, 6 miloi euro.

Urduñako Udalaren eta Larruazabalgo Batzaren babesarekin, Bedarbidek demanda jarri du Villarcayoko epaitegian. Gorobelen baso larregintza aitortzea eskatzen dute urduñarrek; eta, euren tesiaren abal gisa, bi agiri aurkeztu dituzte.

PPk eskaera egin du Urduñako Ama Birjina balkoi-begiratoki izendatzeko

Erabiltzailearen aurpegia Eunate Molinuevo Olabarria  Urduña

PPk eskaera egin du Urduñako Ama Birjina balkoi-begiratoki izendatzeko

Txarlazo mendian kokatzen den monumentuak 110 urte bete zituen iaz, baina egoera kaxkarrean dago azken hamarkadetatik hona.

Hori dela eta, Alderdi Popularrak arauz besteko proposamena aurkeztu dio Bizkaiko Foru Aldundiari, "monumentuaren funtsari eutsita, balkoi-begiratoki gisa berregokitzeko aukera azter dezan".

Hormigoi armatuzko Ama Birjina urduñarren jabetzakoa den arren, Villalba de Losako (Burgos) lurretan dago. Hortaz, udalerri burgostarrak edo Gaztela eta Leongo erkidegoak esleitu beharko lukete obren lizentzia.

Neurri eraginkorrak eskatu ditu LABek Urduñako bainuetxe-hoteleko behin betiko itxiera ekiditeko

Erabiltzailearen aurpegia Eunate Molinuevo Olabarria  Urduña

Neurri eraginkorrak eskatu ditu LABek Urduñako bainuetxe-hoteleko behin betiko itxiera ekiditeko

Sindikatu abertzalearen hitzetan, Montenegro Taldearen kudeaketa ezin txarragoa izan da hasieratik, bai ustiapenari zein giza-baliabideei dagokienez.

Ana Montenegro buru izaki, neurri desegokiak hartu dira, eta, instalazioak behar moduan mantendu ez direnez, bainuetxea bera itxita egon zen sei hilabete baino gehiagoz. Horrenbestez, ezin ulertuzko zorrak sortu dira, eraikina berriztatu beharra dago orain, eta langileen berehalako kaleratzea aurreikusten dute.

Aletxu Zobaran preso politiko urduñarrak berrespetxeratze gogorra izan duela salatu dute

Erabiltzailearen aurpegia Eunate Molinuevo Olabarria  Urduña

Aletxu Zobaran preso politiko urduñarrak berrespetxeratze gogorra izan duela salatu dute

Iragan astean epaiketa izan eta gero, Aletxu Zobaran preso politiko urduñarra Parisetik Lyon-Corbaseko kartzelera eraman zuten. Bere ingurukoek helarazitako informazioaren arabera, bortitza izan zen berrespetxeratzea.

Aletxu miatu ostean, aspalditik soinean zeramatzan zilarrezko lepokoa eta Udalbiltzako pina kendu zizkioten. Gainera, zigortu eta mitardera arrastaka eraman zuten. Besteak beste, gau hartan, izara bat baino ez zioten eman lo egiteko, urteko sasoi horretan egiten duen hotza kontuan hartu barik, eta diru-kontuak blokeatu zizkioten.

Aiaraldeko abeltzaintza-ustiapen biren lana aitortu dute: Basabe Baserria eta Izoria Gazta

Erabiltzailearen aurpegia Eunate Molinuevo Olabarria  Aiaraldea

Aiaraldeko abeltzaintza-ustiapen biren lana aitortu dute: Basabe Baserria eta Izoria Gazta

Itziar Abasolok gobernatzen duen Basabe baserriak (Lezama) lehenengo saria eskuratu du EAEko Abeltzaintzako Ustiapenen Lehiaketan. Sari-banaketa bihar, hilak 22, izango da Tolosan.

Abeltzaintza tradizional eta ekologikoaren alde egiten dute Basaben. Gaur egun, 250 ardilatxa eta 35 behi dituzte, gehienbat piriniotarrak eta terreinak. Itziar arduratzen da lana aurrera eramateaz; besteak beste, ganadua jezten du, ardiei ilea mozten die, eta erditzen laguntzen ere bai. Bere baserrian “ez dago oporrik”, dio.

Elikadura Burujabetzaren IV. Astea eta tokiko kontsumoaren aldeko kanpaina

2014/10/31 19:00

Urduñako tabernak Urduña

Pintxopote agroekologikoa. Tokiko produktuekin egindako pintxoak.

Elikadura Burujabetzaren IV. Astea eta tokiko kontsumoaren aldeko kanpaina

2014/10/30 18:00

Kultur Etxea Urduña

Bide berriak: elikadura burujabetza Euskal Herrian bideoaren aurkezpena. Bizilur eta EHNE Bizkaiak egindako proiektua.