Aurtengo jaietako irudia zein izango den aukeratzeko lehiaketa martxan jarri du Urduñako Jai batzordeak. Hiru kategoria egongo dira: kimuak, haurrak eta nagusiak (15 urtetik gorakoak). 60, 50 eta 40 euroko sariak banatuko dira txikien artean eta nagusien mailako irabazleak 300 euro jasoko ditu.
Txikien kategorian formatua librea da, baina kategoria nagusian, kartelak 70x50 zentimetroko neurria izan beharko du eta euskarri gogorrean aurkeztuko da. Gaia librea bada ere, kartelek Otxomaioetako jai-giroa islatu beharko dute eta "2013ko Otxomaioak" eta "Urduña jaietan" esaldiak nahitaez agertu behar dute.
Jatorrizko lanak Kultura Etxean jasoko dira, astelehenetik ostiralera 11:30etik 13:30era, eta aurkezteko epea 2013ko martxoaren 15ean amaituko da (13:30ak baino lehen). Eginiko lanak Foru plazan erakutsiko dira martxoaren 24an, 12:00etatik 14:00etara, eta orduan ezagutuko dira irabazleen izenak.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
