Jose Maria Beaskoetxea Urduñako Alderdi Popularreko ordezkariak asteon eskatu du Urduñederra sustapen ekonomikorako sozietate publikoa behin betiko ixtea. Prentsa-ohar bidez adierazi duenez, erakundeak etengabeko galera ekonomikoa dakar Udalarentzat eta diru hori herritarren beharrak asetzera bideratu beharko litzateke, batez ere gaur egungo krisi-egoeran.
Izan ere, PPk zabaldu dituen datuen arabera, sozietatea osatzen duten sei langilerentzako soldaten aurrekontua 451.973 eurokoa da urteko. Alderdi Popularrak kritikatu duenez, Urduñederrako kudeatzaileak 92.429 euroko ordainsaria jasotzen du, "hain beharrezkoak diren beste zerbitzu batzuek, aldiz -larrialdiko laguntzek, etxez etxeko laguntza zerbitzuak, gizarteratzeko eta laneratzeko laguntzek, eta hirugarren adinekoei bideratutako laguntzek- 34.000, 88.000, 9.000 eta 8.000 euroko diru-partida, hurrenez hurren, dute soilik”.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
