Iragan otsailean Hirigintza Sailak egindako batzar informatiboan jakinarazi zenez, lanketa bat egingo da auzoek dituzten hirigintza-beharrak antzemateko. Hala, Urduñako auzoetan egon daitezkeen gabeziei ahalik eta erantzun eraginkorrena eman ahalko zaie eta auzokideen bizi-kalitatea hobetuko da. Helburuetako bat bizilagunen harremanak onuragarriak izatea da, dela euren artean, dela Udalarekin.
Martxoko Zikoina aldizkariarekin batera, orri erantsi batean, galdera-sorta bat bidali da auzo, etorbide, urbanizazio eta abarren diagnostikoa eta azterketa egiteko asmoz. Behin beteta, inkesta udaletxera eraman daiteke, Burdin kalean berriki jarritako postontzian sartu edo auzoak@helbidera bidali.
Hirigintzako jarduketak lehenesteko eta sailkatzeko irizpideei dagokienez, Udalak egindako proiektuak nahiz herritarren hirigintza-eskaerak kontuan hartuko dira. Udalak prozesua gauzatzeko bideak eskainiko ditu eta auzotarrek, euren jardunaz, auzoak eraldatzen parte hartuko dute.
Ondoko jarduketa-eremuak zehaztu dira:
- Zabalgunean: Barne-Hegoaldea, Barne-Mendebaldea eta Barne-Iparrekialdea.
- Kanpoaldean: Kanpo- Hegoaldea, Kanpo- Mendebaldea, Kanpo-Ekialdea eta Kanpo-Iparraldea.