Kulturaren eta kirolaren alorreko hainbat elkartetako kidez osatutako Jai Batzordea lanean dabil Otxomaioak prestatzen. Aurten, baina, jaietarako aurrekontu orokorra %20 murriztu da Udalaren finantza-egoera dela eta.
Bestalde, abian da jaietako kartel-lehiaketa eta martxoaren 16ra arteko −13:30ean− epea dago lanak aurkezteko. Hiru kategoria bereizi dira: kimuak (8 urte arte), haurrak (9 eta 14 urte artean) eta helduak (gainontzekoak). Irabazleek 50, 60 eta 300 euro jasoko dute, hurrenez hurren, eta kimu eta haurren kategoriako bigarrenek, 40 euro. Horrez gain, haurren kategoriako irabazleak txupinazoa jaurtiko du umeen egunean.
Lehiaketaren oinarriak eskuragarri daude www.urduna.com webgunean edo Kultura Etxean (945 38 48 61).
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
