Urduñan Ekoizpen Ekologikoa Garatzeko Zerbitzuak kasik 5 urte daramatza hirian eta inguruetan nekazaritza eta abeltzaintza ekologikoak bultzatzen. Ohiko metodoa alde batera utzi eta metodo ekologikoa bere egin nahi dutenei zuzentzen zaie. Hala, Ekoizpen izenarekin ezagutzen den zerbitzuak urtero hamar bat Agroekologia Foro antolatzen ditu hilabetean behin, uztailean eta abuztuan izan ezik.
Bertako fruta-arbolen berreskuratzean oinarritu zen urtarrileko Agroekologia Foroa. Denborarekin galtzen doazen tokiko barietateak aurkeztu zituen Edurne Ortunek, guztiak 100 urte baino gehiagokoak. Zuhaitz horiei ADN analisiak egin zaizkie eta aztertu ondoren Euskal Herriko Hazien Sareak gorde eta sailakatuko ditu.
Bestalde, iragan asteartean, otsailaren 22an, egindako foroan animalien osasuna izan zuen hizpide Ander Bidarte albaitari homeopatak. Arnas aparatuaren gainean aritu zen batik bat eta zenbait gaixotasun hautemateko modua azaldu zien bertaratutakoei.
Hurrengo Agroekologia Foroa martxoan izango da.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
