Urduñako perretxikoa aski ezaguna da gure inguruan eta pasa den maiatzean, perretxikoak biltzeko garaiarekin bat eginez, perretxikoaren inguruko jardunaldiak antolatu ziren.
Taberna parte hartzaileek pintxo bereziak prestatu zituzten eta, horrez gain, sukaldaritza tailer bat eskaini zen. Bigarren tailer bat gauzatzeko asmoa egon bazen ere, atzeratu egin behar izan zuten eta atzo egin zen Romulo tabernan.
Rafak, Romuloko jabeak, bere jatetxeko sukaldea ireki zuen eta egun batez sukaldari eta irakasle bihurtu zen. Ordu eta erdi iraun zuen tailerrean askotariko platerak egin ziren (perretxiko-saltsa, onddoak ur-bainuan, onddo eta ganben nahaskia...) eta perretxikoez gain, beste onddo mota batzuk ere prestatu ziren, bitxiena shiitake seguruenik. Asia ekialdeko onddo mota bat da shiitake, azkenaldi honetan moda-modan dagoena.
Behin platerak prest eta mahai gainean zeudela, parte hartzaileek koilara, sardexka eta ogi zati bana hartu eta txakolinaz lagunduta, prestatutakoa dastatzeko aukera izan zuten.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
